Nadolig llawen – beth hoffech chi ei gael gan y Llyfrgell yn 2024?
Erioed wedi dymuno am rywbeth hudol yn y llyfrgell? Nawr yw’ch cyfle! Ewch i Lyfrgell Bae neu Lyfrgell Parc Singleton a byddwch yn gweld tagiau i nodi dymuniad i wella’r llyfrgelloedd arnyn nhw a chael cyfle i glymu nhw ar y goeden. Lluniwch restr ddymuniadau i Siôn Corn a’u rhoi i ni wrth ddesg y llyfrgell neu anfonwch drwy e-bost. Yn y flwyddyn newydd, byddwn ni’n rhoi gwybod i chi am ddymuniadau defnyddwyr y Llyfrgell a’r hyn rydyn ni’n ei wneud i roi gwelliannau ar waith.Cofiwch, eich llais chi sy’n llunio ein llyfrgell, felly peidiwch â bod yn swil gyda’ch awgrymiadau!
Oriau yn ystod y gwyliau:
- Amser Cau’r Llyfrgelloedd: Bydd Llyfrgell y Bae a Llyfrgell Parc Singleton yn cau am 5yh ar 24 Rhagfyr.
- Amserlen Ailagor: Bydd y llyfrgelloedd yn ailagor am 8am ar 27 Rhagfyr ac yn aros ar agor ddydd a nos tan 5pm ar 31 Rhagfyr. Bydd y llyfrgelloedd yn ailagor a byddan nhw ar gael ddydd a nos o 8am ar 2 Ionawr.
- Desgiau Gwybodaeth: Bydd y desgiau gwybodaeth yn cau am 5yh ar 24 Rhagfyr ac yn ailagor am hanner dydd ar 30 Rhagfyr. Byddan nhw yn cau am 5yh ar 31 Rhagfyr ac yn ailagor fel arfer am 8yb ar Ddydd Mawrth 2 Ionawr. Gweler yr oriau agor ar ein tudalennau gwe i gael manylion llawn ein llyfrgelloedd a’n gwasanaethau yn ystod y gwyliau.
Polisi Benthyca Dros y Gwyliau:
-
Adnewyddiadau Awtomatig: Os oes gennych lyfrau neu gyfnodolion ar fenthyg yn ystod y gwyliau, byddan nhw’n parhau i adnewyddu’n awtomatig.
-
Gliniaduron: Nid oes modd adnewyddu benthyciad gliniadur. A wnewch chi ddychwelyd unrhyw liniaduron sydd wedi’u benthyca’n brydlon. Ni fydd y rhain yn adnewyddu’n awtomatig, a bydd y dirwyon yn costio £10.00 y dydd.
-
Dychwelyd Eitemau: Ni fyddwn ni’n gofyn i chi ddychwelyd llyfrau na chyfnodolion yn ystod y gwyliau – os na ofynnir i chi ddychwelyd eitemau erbyn 9 Rhagfyr yna byddan nhw’n adnewyddu yn y cyfamser. Hyd yn oed os bydd defnyddiwr arall yn gofyn am eich eitem yn ystod y gwyliau, ni fydd angen ei dychwelyd cyn yr 8fed o Ionawr.
-
Cwestiynau? Os oes gennych gwestiynau neu bryderon, mae croeso i chi gysylltu â Thîm Llyfrgell MyUni. Dilynwch ein cyfrifon X ac Instagram, a gwiriwch ein tudalennau we am y wybodaeth ddiweddaraf
Cyfnod Arholiadau Ionawr:
Wrth i ni gamu i mewn i gyfnod arholiadau Ionawr, bydd mynediad i’r llyfrgell yn gyfyngedig i fyfyrwyr a staff y Brifysgol. Dewch â’ch cerdyn myfyriwr bob amser ar gyfer mynediad.
Dymunwn gwyliau llawen i chi a llawn llyfrau!