Arddangosfa Gwasanaethau Cymorth

Mae’ch cyfnod yn y Brifysgol yn gyfnod i chi ffynnu, ac rydym yma i’ch cefnogi bob cam o’r ffordd. Yn y digwyddiad hwn, byddwch yn cael cyflwyniad i’n gwasanaethau cymorth arbennig sydd ar gael i’ch helpu i lwyddo – yn academaidd, yn bersonol, ac yn gymdeithasol. P’un a ydych chi’n ymgartrefu yn y brifysgol, yn meddwl am eich gyrfa, neu’n chwilio am ffyrdd o gadw’n actif a gwneud cysylltiadau ag eraill, rydym yma i chi.

Beth sy’n Digwydd?

Mae’r digwyddiad hwn yn fwy na ffair groeso – mae’n gyfle i archwilio, cysylltu, a chael hwyl!

Cwrdd â’n Timau Cymorth:

Darganfyddwch sut y gall timau megis Bywyd Campws, Lles ac Anabledd, Academi Cyflogadwyedd Abertawe, y Ganolfan Llwyddiant Academaidd, Chwaraeon Abertawe, Cynaliadwyedd, Teithio a ‘Discovery’ eich cefnogi chi. (Gallwch ddod o hyd i restr gyflawn o’r gwasanaethau sydd ar gael ar dudalen y digwyddiad)

• Mwynhewch weithgareddau a nwyddau am ddim
• Casglwch rai nwyddau am ddim tra’n dysgu am ein gwasanaethau
• Ardal i ymlacio gyda diodydd a byrbrydau am ddim
• Byddwch yn greadigol gyda chelf a chrefftau neu ymunwch â rhai gemau bwrdd
• Cwrdd â Molly y ci!
•  Cymrwch ran yn ein gweithgaredd 3 Pheth Da ym Myd Natur

…a llawer mwy!

Mae hyn yn digwydd ddydd Mercher, 29 Ionawr 2025, 1pm-3pm yn Y Twyni, Campws y Bae.