Oherwydd cyflwr prif faes parcio Campws y Bae, sy’n eiddo i St Modwen, a’r angen am gynnal gwaith sylweddol yno i gydymffurfio â chaniatâd cynllunio gwreiddiol y campws, bydd y maes parcio’n cau ar 1 Chwefror tan yr hysbysir fel arall. Ymddiheurwn am unrhyw anghyfleustra a achosir gan hyn.
Fel y gwyddoch, nid oes parcio i fyfyrwyr ym maes parcio’r staff rhwng yr oriau craidd o 8am tan 4pm o ddydd Llun i ddydd Gwener.
*mae hawlenni parcio (gan gynnwys hawlenni y tu allan i oriau) ar gael i gategorïau myfyrwyr penodol – gweler ein tudalennau gwe teithio.
Trefniadau Parcio Eraill yn Stiwdios y Bae o 1 Chwefror ar gyfer Deiliaid Hawlenni Presennol
Ar gyfer deiliaid hawlenni parcio’r brifysgol, rydym wedi trefnu cyfleusterau parcio eraill gerllaw’r campws yn Stiwdios y Bae oddi ar Ffordd Fabian (gweler y map a’r cyfarwyddiadau isod).
Gall deiliaid hawlenni parcio (ysgolheigion chwaraeon, hawlenni gofalwyr, hawlenni meddygol a defnyddwyr y feithrinfa) ddefnyddio’r cyfleusterau parcio gan ddefnyddio eu hawlenni presennol. Gall y rhai â hawlenni y tu allan i oriau craidd ddefnyddio’r cyfleuster ar gyfer parcio y tu allan i oriau’n unig – sganiwch y codau QR sydd ar gael ar y safle i dalu am hyn drwy borth TPS – dewiswch Stiwdios y Bae, ac yna dilynwch y cyfarwyddiadau syml ar y sgrîn. Sylwer bod ffi weinyddol fach o £0.20 i ddefnyddio’r gwasanaeth ar-lein. Mae gwybodaeth am hawlenni parcio ar gael yma.
Mae’r llwybrau cerdded o’r maes parcio i Gampws y Bae wedi’u nodi yn y cynllun isod. Taith gerdded fer ydyw o’r maes parcio i’r campws. Byddwch yn ofalus wrth groesi’r ffordd ddeuol brysur a gwnewch yn siŵr eich bod yn croesi wrth un o’r croesfannau dynodedig i gerddwyr sydd wedi’u nodi ar y cynllun isod.
Llwybr gyrru I faes parcio Stiwdios y Bae:
Llwybr cerddwyr i/o faes parcio Stiwdios y Bae:
Parcio ar gyfer Deiliaid Bathodynnau Glas
I’r rhai hynny sy’n ddeiliaid bathodyn glas gallwch barhau i barcio ar Gampws y Bae fel arfer – bydd y Gwasanaethau Diogelwch yn rheoli llif y traffig ar y safle.
Parcio Ystyriol
Ni ddylai staff a myfyrwyr barcio yn ardaloedd preswyl lleol neu ar eiddo busnesau lleol megis Amazon, lle byddwch yn debygol o gael hysbysiad tâl parcio. Byddwch yn ystyriol o’n cymdogion a dylech barcio’n ystyriol ac yn gyfrifol.
Os oes gennych ymholiad am y trefniant parcio newydd, dylech allu dod o hyd i’r ateb ar-lein yma. Os na, e-bostiwch estates-carparking@abertawe.ac.uk. Mae’r Tîm Gwasanaethau Cwsmeriaid yn delio â swm uchel o ymholiadau ar hyn o bryd. Parchwch ein tîm cyfeillgar, a fydd yn gwneud ei orau glas i ateb eich ymholiad cyn gynted â phosibl.
Rydym yn ymddiheuro am unrhyw anghyfleustra ac yn diolch i chi am eich amynedd a’ch dealltwriaeth.
Ystadau a Gwasanaethau Campws