Bydd rhai ohonoch chi’n sefyll arholiadau atodol ym mis Awst a hoffem rannu’r wybodaeth ddefnyddiol hon â chi i’ch helpu i baratoi a theimlo bod gennych yr holl wybodaeth sydd ei hangen arnoch chi.
Amserlenni
Mae fersiwn bersonol o’ch amserlen arholiadau mis Awst 2024 bellach ar gael drwy’r fewnrwyd.
Teithio a llety
Bydd gwasanaethau arferol First Cymru ar gael yn ystod cyfnod cyfan eich arholiadau atodol. Gallwch drefnu eich taith gan ddefnyddio gwefan First.
Mae llety ar gael ar Gampws y Bae am gyfnod eich arholiadau atodol. Gallwch gael mwy o wybodaeth a threfnu hyn drwy ddefnyddio’r ffurflen archebu swyddogol.
Lleoliadau Arholiadau
Ddim yn siŵr ble mae’ch arholiad yn cael ei gynnal? Mae mapiau’r campws yn yr ap FyAbertawe yn cynnig cynllun rhyngweithiol a manwl o holl gampysau’r Brifysgol. Gan gynnwys lleoliadau adeiladau, mannau o ddiddordeb, lleoliadau arholiadau, cyfeiriadau a hidlwr categorïau i fireinio’r hyn rydych yn chwilio amdano!
Boed yn fannau cymdeithasol, yn fannau astudio neu’n lleoliadau i gael gwybodaeth a chymorth.
Cyrsiau am ddim i'ch helpu i baratoi ar gyfer asesiadau
Gall y cyfnod asesu fod yn heriol, ond gall y Ganolfan Llwyddiant Academaidd ddarparu awgrymiadau ac adnoddau astudio defnyddiol i ti sy’n canolbwyntio ar fireinio dy sgiliau, fel dy fod ti’n dod yn ddysgwr mwy effeithiol. Mae amrywiaeth o adnoddau e-ddysgu, megis Sgiliau Astudio Hanfodol ac Ysgrifennu Academaidd.
Wyt ti am gael gwybodaeth fwy cryno? Cymera gipolwg ar ein blog awgrymiadau astudio!
Gallwch fenthyg gliniadur neu ddefnyddio cyfrifiadur personol!
Wyddech chi fod gennym liniaduron sydd ar gael i chi eu benthyg o lyfrgelloedd Campws Parc Singleton a Champws y Bae? Os bydd angen i chi fenthyg gliniadur cyn arholiadau, ewch draw i dudalennau gwe’r llyfrgell i gael gwybod sut i wneud hyn. Mae’r broses yn syml.
Mae digon o gyfrifiaduron pen desg ar gael i chi eu defnyddio ar y ddau gampws. Gallwch neilltuo rhai ohonynt, a gallwch ddefnyddio rhai heb eu cadw ymlaen llaw. Ceir rhagor o wybodaeth yma. Gallwch gael mwy o wybodaeth am oriau cyfrifiaduron y tu allan i oriau swyddfa ar ein tudalen we Mannau Astudio.
Mannau astudio i fyfyrwyr
P’un a ydych chi’n chwilio am rywle tawel i astudio, eisiau cydweithio fel grŵp neu am rywle i ymlacio a gorffwys yn unig, mae gennym ddigon o leoedd i chi ar y campws.
I bori ein mannau i fyfyrwyr, cliciwch yma.
Cymorth a chyngor
Gall y cyfnod asesu achosi straen diangen, felly mae gennym amrywiaeth o adnoddau yn Abertawe i’ch cefnogi yn ystod yr amser hwn.
Pecyn cymorth ar-lein yw Hapus gyda llu o wybodaeth ac awgrymiadau ar gyfer mynd i’r afael â gohirio, rheoli straen ac ansicrwydd a datblygu gwydnwch. Mae am ddim i fyfyrwyr ac mae’n adnodd hanfodol wrth baratoi ar gyfer arholiadau. Gallwch gyrchu’r pecyn cymorth drwy Canvas yma.
Mae gan Undeb y Myfyrwyr Ganolfan Cyngor a Chymorth annibynnol, a bydd y tîm ar gael i fyfyrwyr alw heibio yn ystod y cyfnod asesu.
Gwybodaeth Gyffredinol am Arholiadau
Ar gyfer ymholiadau cyffredinol am ymholiadau, gweler tudalennau’r Swyddfa Arholiadau, sy’n cynnwys gwybodaeth am yr hyn y dylech ei wneud ac na ddylech ei wneud yn ystod eich arholiadau, lleoliadau arholiadau a chwestiynau cyffredin.
Hoffem achub ar y cyfle hwn hefyd i ddymuno pob lwc i chi yn eich asesiadau a’ch arholiadau!