Wyt ti’n barod am fywyd ar ôl graddio? Os wyt ti’n camu i fyd cyflogaeth neu’n ystyried parhau â’th astudiaethau gyda ni, dyma’r amser perffaith i ti sicrhau bod gen ti bopeth yn ei le am ddyfodol llwyddiannus. Y newyddion da yw bod gennym ni bopeth y mae ei angen arnat ti!
Am barhau â’th daith fel myfyriwr yma yn Abertawe? Dewisa radd Meistr sydd addas iti ac ymuno â’n cymuned ôl-raddedig fywiog a deinamig. Byddi di’n rhoi hwb i’th ragolygon gyrfa ac yn cael y cyfle i gysylltu â darpar gyflogwyr. Mae’n broses ymgeisio gyflym a hwylus a byddi di’n cael penderfyniad gennym ni o fewn 2 ddiwrnod gwaith.
Rhaglen Cymorth i Raddedigion Academi Cyflogadwyedd Abertawe
Wyddet ti y gelli di, ar ôl graddio o Brifysgol Abertawe, gael mynediad at gymorth gydol oes o ran gyrfaoedd a chyflogadwyedd? Rydyn ni yma i’th gefnogi di i ddod o hyd i yrfaoedd boddhaus a gwobrwyol i raddedigion, hyd yn oed ar ôl graddio!