Adeiladau ein llyfrgelloedd
Fel llyfrgell ddigidol yn gyntaf, mae ein casgliadau a’n gwasanaethau ar-lein bob amser ar gael pryd bynnag y mae eu hangen arnoch a ble bynnag yr ydych chi, ond fel myfyriwr Prifysgol Abertawe mae gennych hefyd fynediad at nifer o lyfrgelloedd ffisegol ar ein campysau. Mae pob un yn cynnig adnoddau, mannau astudio, a chyfleusterau TG i ategu’ch astudiaethau. Mae’r rhain yn cynnwys:
- Llyfrgell Parc Singleton
- Llyfrgell Campws y Bae
- Llyfrgell Parc Dewi Sant
Rydyn ni’n teilwra’r oriau ym mhob lleoliad yn seiliedig ar sut rydych chi’n defnyddio’r llyfrgell honno, felly gallwn eu hymestyn yn ystod cyfnodau arholiadau neu eu lleihau yn ystod y gwyliau.
Gallwch ddod o hyd i fanylion am yr oriau y mae pob llyfrgell ar agor a phryd bydd staff yno wrth Ddesgiau Gwybodaeth y Llyfrgell, yma: Lleoliadau ac Oriau Agor.
Mae pob llyfrgell yn cynnig amrywiaeth o wasanaethau craidd fel:
- Cymorth ar gyfer pynciau penodol
- Mynediad at lyfrau allweddol sydd ar gael mewn print yn unig
- Gwneud cais am eitemau’r llyfrgelloedd, eu benthyca a’u dychwelyd
- Mannau astudio gan gynnwys podiau i grwpiau a lleoedd â chyfrifiaduron
- Argraffu, llungopïo a sganio
- Cyfarpar, adnoddau a gwasanaethau arbenigol i fyfyrwyr ag anabledd, cyflwr meddygol neu anghenion eraill
Mae’r gwasanaethau sydd ar gael ar safleoedd penodol yn cynnwys:
- Mynediad at lyfrau prin a deunyddiau archif yn ein casgliadau diwylliannol
- Cyfleusterau er mwyn gweld ein casgliadau cyfryngau
- Casgliadau i ehangu eich darllen
- Podiau i astudio fel grŵp
- Benthyca Gliniaduron
Rydym hefyd yn darparu cyfleusterau i’ch helpu i gael y profiad astudio gorau mewn lleoliadau allweddol gan gynnwys:
- Ceginau myfyrwyr â ffynhonnau dŵr, boeleri hydro ar gyfer dŵr poeth, peiriannau gwerthu a mwy
- Gemau a phosau ar gyfer seibiant o astudio
- Blancedi i’w benthyca ar ddiwrnodau oer
Gallwch edrych ar ein Canllaw Dechrau Arni gyda’r Llyfrgell, sgwrsio â ni neu ddod i gwrdd â ni wyneb yn wyneb wrth Ddesgiau Gwybodaeth y Llyfrgell yn ystod oriau staffio os oes gennych ymholiadau